Udala

Bailarako 14 herriak udal bakarrean biltzen dira, eta udaletxea Larraintzarren dago. Aldi berean, Udala hau, Basaburua, Atetz, Odieta, Anue eta Lanzko ondoko bailarekin mankomunitatea osatzen du zerbitzu batzuk eskaintzeko. Izan ere, kirol jarduerak bailara guztietarako antolatzen dira, eta berdin kultur jarduerak; azken horiek Larraintzarren bertan udaletxe ondoan dagoen Zentro Zibikoan zentralizatzen dira.

Zentro Zibikoaren ondoan daude Osasun Etxea, pilotalekua, eta udal igerilekuak. 

Ultzamako Bailarako Udalaren antolamenduari dagokionez, zinegotzigoz banatzen da, hau da, instituzio hori osatzen duten 9 zinegotzien artean banatzen da. 

Udaletxea 1950. urtean inaugutatu zuten. Lehen, Ultzamako Bailarako Udalak eta "Junta de Veintena" delakoak osoko bilkurak Larraintzarko Bentan egiten zituen, gaur egun Zentro Zibikoa dena.  

Oraingo eraikina egiteko prozesua 1945ean hasi zen, Ceferino Elizondo alkate zelarik. Miguel Olagüe Baldak José Arrarás Olanori eman zion eraikitzeko agindua. Egiteko arazoak izan baziren ere, eraikinak  243.104 pezetako kostua izan zuen. Hiru gorputz zeuzkan, erdikoa 6m eta 50 cm-ko alturakoa, bilkura areto, udaletxe, kartzela, telefono eta zerbitzuaetarako; eta beste bi aldeetara, 11 metroko alturakoak, idazkariaren eta haren laguntzailearen etxebizitzetarako. 

Urteen poderioz, eraikin horren inguruan beste udal bulego batzuk eraikitzen hasi ziren. 1966an udal eskola egiteko lanak hasi ziren. Urte berean industriagunea sortu zen, eta, gero, 1974an, pilotalekua egiteko proiektua, 1986an zaharberritua. 

Bailarako biztanleen oinarrizko beharrak beterik, 1985. urtean kirol instalazioak eraikitzen hasi ziren, Larraintzarren, areto-futbola, eskubaloia, saskibaloia eta beste kirol batzuk hartzeko. Handik bederatzi urtetara, itxarondako igerilekuak iritsi ziren, batzuetan egiten dituen tenperatura altuak hobeki eramaten laguntzeko. 

2008. urtean inauguratu zen Larraintzarko Benta zaharrean dagoen Zentro Zibikoa. Gainera, biomasa planta bat instalatzeko hasitako lanei esker, bailara hau, inguruko lehen udalerri iraunkorra izan da, horren bidez udal bulegoak berotzen dira, horregatik dira iraukorrak. Honi esker lortu du Ultzamak Greenbuilding zigilua.