COVID19 - Liburutegiaren mailegu-araudia eta gomendioak

2020/07/07

Udal Liburutegiaren gaurko GOMENDIOAK

Gaur, liburutegiak hainbat irakurketa eskaintzen dizkigu:

• Enrique Jardiel Poncelaren bi ipuin bitxi: bata a letra erabili gabe idatzia, eta bestea e letra erabili gabe.
• Roxana Gay idazle estatubatuarraren ipuin zirraragarri bat.
• Iñigo Astiz ultzamar idazlearen testu bat: Manifestu presentista.
• Gure liburuzainaren liburu berriaren aurrerapena: “Tratado de hortografía. Una novela sobre el Rock Radikal Vasco”

  

Eta gogorarazi nahi dizkizuegu liburutegiak uda honetarako dituen ordutegiak eta arauak

2020/06/29

Udal Liburutegiaren gaurko GOMENDIOAK

Gaur liburutegitik gogoratzen digute aste honetan hasten dela udako ordutegia (10:30etik-13:30era) eta zein den protokoloa (orain posible da liburuak itzultzea eta maileguan hartzea astelehenetik ostiralera, beti aldez aurreko hitzorduarekin)

2020/06/23

Udal Liburutegiaren gaurko GOMENDIOAK

Gaur, liburutegitik eskaintzen dizkigute diska bat, Berri Txarrak taldeari buruzko dokumentala bat eta haur eta gaztentzako etxean egiteko hainbat esperimentu-

• Liberation Music Orchestra: Diska honetan lotzen dira jazza eta Españako herri kantutegia, milizianoek eta Nazioarteko Brigadistek egokitua Bertold Brecht idazlearen hitzarekin, besteak beste.

• Berri Txarrak eta Iragana Aurretik: 'Denbora da poligrafo bakarra' disko hirukoitza ardatz hartuta, taldearen 20 urteko ibilbidea errepasatzen du dokumentalak. Diskoaren grabaketaren irudiekin eta 2015eko biraren unerik onenekin osatu dute.
• Haur eta gazteentzako esperimentuak: PDF honetan haurrek eta gazteek aurkituko dute egutegi bat egunero esperimentuak egiteko etxean. Klikatu baino ez duzue egin behar (H, haurrentzat, G, gazteentzat) eta... esperimentatu!

Eta gogoratzen dizuegu liburutegiaren blogan eta bere Twitter eta Facebooken ere ikus ditzakezula gomendio eta baliabide gehiago. Hemen dituzue ere katalogoaren hautaketa bat eta liburuak maileguan hartu eta bueltatzeko arauak.

2020/06/16

Udal Liburutegiaren gaurko GOMENDIOAK

Gaur, liburutegitik eskaintzen dizkigute Lou Olangua 80ko hamarkadako abeslariari buruzko dokumentala bat, Nafarroako kulturaren atari digitala berriaren esteka eta Kolonbiako liburutegi nazionalaren baliabideak-

• Kulturaren atari digital berria: Ipuinak,  Dagoeneko eskuragarri dago Foru Gobernuak sustatutako Kulturaren Atari Digital berria, Nafarroako artxibo, museo eta liburutegi publikoen 281.300 baliabide biltzen dituena.
• Kolonbiako Liburutegi Nazionalaren baliabideak: Kolonbiako Liburutegi Nazionalak baliabide digital interesgarriak eskaintzen ditu. Adibidez, Latinoamerikako idazle afrikar antologia bat, Kolonbiako komiki antologia beste bat edota Kolonbiako Kulturaren Oinarrizko liburutegi bat.
• "Lou, dantzan jo eta ke" dokumentala: Dokumental honetan 80ko hamarkadan emakumeek izan zuten lekuaz, euskaraz eta, estetikaz gain, jarrerak izan zuen garrantziaz hitz egiten da. Sozialki eta kulturalki apurtzailea izan zen erreferente batetaz: Lou Olangua.

Eta gogoratzen dizuegu liburutegiaren blogan eta bere Twitter eta Facebooken ere ikus ditzakezula gomendio eta baliabide gehiago. Hemen dituzue ere katalogoaren hautaketa bat eta liburuak maileguan hartu eta bueltatzeko arauak.

2020/06/09

Udal Liburutegiaren gaurko GOMENDIOAK

Gaur, liburutegitik eskaintzen dizkigute Eduard Limonov idazleari buruzko informazioa, hainbat irakurketa gomendio eta umeendako baliabide batzuk (irakurketak, asmakizunak, musika…)

• Ipuinak,  audio-ipuinak, asmakizunak, abestiak... Euskarazko baliabide hauek eta  gehiago  PINPILINEKIN web gunean haurrekin ikasteko eta dibertitzeko.
• Civicanen blogak Afrikako kulturari, literatura beltzari, musikari, umoreari... buruzko oso gida interesgarriak eskaintzen dizkigu.

• Eduard Limonov idazle errusiarra, artista madarikatua eta polemikoa, hil da pandemia honetan. Hemen aurkituko duzue hainbat esteka bere bizitza eta liburuak ezagutzeko.

Eta gogoratzen dizuegu liburutegiaren blogan eta bere Twitter eta Facebooken ere ikus ditzakezula gomendio eta baliabide gehiago. Hemen dituzue ere katalogoaren hautaketa bat eta liburuak maileguan hartu eta bueltatzeko arauak.

2020/06/02

Udal Liburutegiaren gaurko GOMENDIOAK

Gaur, liburutegitik gomendatzen dizkigute jaso dituzten azken nobedadeak: Felipe Juaristi, Sarrionandia, Futboleroak, Almudena Grandes… Esteka honetan kontsultatu ahal duzue zerrenda.

Eta gogoratu liburuak maileguan hartu eta bueltatzeko arauak.

2020/05/28

Udal Liburutegiaren gaurko GOMENDIOAK

Gaur, liburutegitik eskaintzen dizkigute Ferran Adrià sukaldariaren liburu bat deskargatzeko, esteka batzuk milaka liburu doan eta legalki lortzeko eta web bat ipuin idazle onenen narrazioak irakurtzeko

• Ipuin idazle onenen narrazioak: LECTURIA webguneak eskaintzen digu ipuin idazle onenen narrrazioen hautaketa bat. Alfabetikoki sailkatuta daude eta aldian-aldian eransten dituzte ipuin berriak.
• Ferrán Adriâren liburu bat, deskargatzeko: Egun hauetan Ferran Adrià sukaldari ospetsuak  "¿Qué es cocinar?" liburua eskaintzen digu deskargatzeko.

• Milaka liburu, doan: Helbide honetan milaka liburu dohainik deskargatzeko 13 esteka aurkituko dituzue.

Eta gogoratzen dizuegu liburutegiaren blogan eta bere Twitter eta Facebooken ere ikus ditzakezula gomendio eta baliabide gehiago. Hemen dituzue ere katalogoaren hautaketa bat eta liburuak maileguan hartu eta bueltatzeko arauak.

2020/05/25

Udal Liburutegiaren gaurko GOMENDIOAK

Gaur, liburutegitik gomendatzen dizkigute kontzertu ziklo bat, Nafarroako Museoaren emakumeen presentziari buruzko hainbat bailabide eta fanzinoteka bat.

Horretaz aparte, prest dago liburutegiaren katalogoaren hautaketa bat, liburuen mailegua errazteko

• Fanzinoteka: Sancho el Sabio fundazioak bildu du katalogo honetan 70, 80 eta 90 hamarkadaetako Euskal Herriko 500 fanzine baino gehiagoren gaineko informazioa
• Kontzertuak streaming bidez: Belako, Mikel Erentxun edo Mikel Urdangarin, besteak beste, arituko dira zuzenean Kulturunea progamaren eskutik.
• Emakumeen presentzia Nafarroako Museoan: Bideoak, testuak, mahai inguruak... Nafarroako Museoan emakumeen presentziari buruz GOGOETA /INFLEXIOA proiektuan

Eta gogoratzen dizuegu liburutegiaren blogan eta bere Twitter eta Facebooken ere ikus ditzakezula gomendio eta baliabide gehiago.

2020/05/22

Maiatzaren 25etik aurrera, LIBURUAK MAILEGUAN berriz ere - ARAUDIA

Maiatzaren 25tik aurrera liburutegia ere "deseskalatzen" hasiko da pixkanaka bere lan erritmoa berreskuratzeko. Lehen egun horietan, liburuak maileguan hartu eta itzuli ahal izango dira, aldez aurreko hitzorduaren sistema baten bidez: posta elektronikoz eskatu ahal izango da liburutegia@ultzama.es helbidera idatziz edo 948306747 telefonora deituz astelehenetik ostiralera, 16:30-19:30 bitartean.

Liburu bat maileguan hartzeko:

• Nahi den liburua adierazi. Liburutegiaren blogean eta liburutegiko sare sozialetan eskuragarri dauden gomendio eta nobedadeen aukeraketa bat eskainiko da, eta nahi dutenek liburutegiko katalogo osoa ere eskatu ahal izango dute kontsultarako, blogean edo emailez bidaliko zaien Excel dokumentu batean
• Liburuak astearte eta ostegunetan jaso ahalko dira 16:30-19:30ak arteko ordutegian,  liburuzainarekin adostutako orduan.
• Zentro zibikoko atea itxita egonen da, eta adostutako ordu zehatzean, irekiko du liburuzainak, behin berak lekua/distantzia uzterakoan, atean utziko duen kaxatik hartu beharko duzu liburua.
• Mailegatzeko epeak ohikoak dira: hiru aste eta gehienez hiru liburu.
• Liburua astearte eta ostegun batez itzuli beharko da 16:30-19:30 tartean, eta aurrez abisatu, ordua zehazteko. Liburua, sarreran egonen den “itzulketak” jarriko duen kaxa batean utzi beharko da.
• Itzultzen diren liburuak berrogeialdian egongo dira hamabost egunez.

Liburuzainak distantzia bermatzeko du esleitzen zaizun orduaren eta hurrengo baten artean 10minutuko tartea ziurtatuko du gutxienez. Emandako orduan agertu, puntuala izan zaitezen eskatzen dizugu.

Gogorarazi nahi dugu, bestalde, liburutegiko blogak, sare sozialek eta udalaren webguneak gomendioak eta baliabideak eskaintzen jarraitzen dutela astero, etxetik kultur baliabide desberdinak (liburuak, filmak, etab.) libreki gozatzen jarraitzeko.

Pixkanaka lan-erritmoa berreskuratzen joatea espero dugu, eta ahal den neurrian erabiltzaile guztien eskura egotea.

2020/05/18

Udal Liburutegiaren gaurko GOMENDIOAK

Gaur, liburutegiak hainbat gairi buruzko irakurketa gidak, euskal komikiari buruzko hitzaldia eta on-line escape-room-en zerrenda gomendatzen ditu

• Irakurketa gidak: Kartzela, zahartzaroa, lan-mundua... Liburutegi askok egiten dituzte irakurketa-gidak (hau da, katalogo txikiak, gai jakin batzuei buruzko liburu eta filmekin). Hemen utzi dizkizuegu interesgarriak iruditu zaizkigun batzuk.
• Euskal komikiari buruzko hitzaldia: Astiberritik Gregorio Murora, Tmeo-tik Xabiroi komiki-aldizkarira... Kike Infamek Ainara Azpiazu, Mikel Begoña eta Belatzekin hitz egiten du euskal komikirik berriena ezagutzen lagunduko diguten arrasto txiki batzuk emateko
• Escape-Room online eta dohainik: Etxetik atera gabe escape-room bat egin nahi baduzue hemen duzue oso zerrenda interesgarria: La casa de papel, Apocalipsis higiénico...

Eta gogoratzen dizuegu liburutegiaren blogan eta bere Twitter eta Facebooken ere ikus ditzakezula gomendio eta baliabide gehiago.

2020/05/14

Udal Liburutegiaren gaurko GOMENDIOAK

Gaur, liburutegitik gomendatzen dizikigute audio-ipuinak, musikari buruzko audio dokumentala batzuk eta “Basque Poetry”, euskal poesiaren ataria

• Basque Poetry: Basque Poetry euskal poesiaren ataria da, alfabetikoki dozenaka egile eta olerki aurkitzeko, blogean jarri dugun Paddy Rekalderena bezala.
• Audio-ipuinak: RTVEren Litercast saioak idazle hispanoamerikarren ipuinak entzuteko entzuteko aukera eskaintzen dizkigu: Benedetti, Pardo Bazán  edo Cortázar, besteak beste. Guk azken egile honekirakurritako ipuin bat, “Casa tomada”, aukeratu dugu.

• Audio-dokumentalak: Euskadi Irratian musikari handien buruzko audio-dokumentalak entzun ditzakegu edozein mementutan: David Bowie, Paco de Lucia... edo literatura nobel sariduna Bob Dylan. Oso interesgarria!

Eta gogoratzen dizuegu liburutegiaren blogan eta bere Twitter eta Facebooken ere ikus ditzakezula gomendio eta baliabide gehiago.

2020/05/08

Udal Liburutegiaren gaurko GOMENDIOAK

Gaur, liburutegitik gomendatzen dizikigute ¡2757 liburu elektroniko!, euskarazko dokumental pilo bat eta Pettiren azken abestia, Harkaitz Cano idazlearen hitzekin

• Dokumentalak Argia aldizkariaren eskutik: Argia aldizkariaren dokumentalak, euskaraz edo euskarazko azpidatziekin, gaika sailkatutako dokumentala aukeran: Black is beltza, Aitor eta biok, Born in Gambia...
• 2.757 liburu elektroniko: Sevillako Udal Liburutegi Sareak 2757 liburu elektronikoko katalogo bat jarri du herritarren eskura, doan deskargatzeko. Horretarako, nahi duzun liburua edo liburuak arrastatu besterik ez duzu egin behar, eta liburu hori edo horiek zure ekipoan deskargatuko dira, zip formatu konprimatuan..
• Pettiren azken abestia, Harkaitz Canoren hitzekin: Pettik, Berako musikari handiak,  Zaldi emozionala (bere azken diskoarena,  Manipulazio estrategia)  abestiaren bideoa aurkezten digu. Hitzak, Harkaitz Canorenak da.

Eta gogoratzen dizuegu liburutegiaren blogan eta bere Twitter eta Facebooken ere ikus ditzakezula gomendio eta baliabide gehiago.

2020/05/04

Udal Liburutegiaren gaurko GOMENDIOAK

Gaur, liburutegitik gomendatzen dizikigute hiru liburu: bi etxeko txikientzat eta beste bat komikizaleentzat

• Los Futbolísimos: Roberto Santiagok, “Los futbolísimos” eleberrien egileak “El misterio de las botas mágicas” bere azken liburuaren lehenengo atalak irakurtzen dizkigu.
• Oporrak etxean: Raquel Samitierre ilustratzaileak umeentzako ipuin bat oparitzen digu, marrazteko eta koloreztatzeko fitxekin. "Oporrak etxean"  album hau euskaraz, ingelesez eta frantsetzez ere deskarga dezakezu.
• Astiberriren Liburu Morea: Astiberri argitaletxeak bere egileen komiki labur eta argitaratugabeko batzuk eskaintzen ari da. Liburu Berdearen ostetan Liburu Laranja eta orain Liburu Morea gozatzen ahal ditugu. 500 orrialde baino gehiago gure eskura.

Eta gogoratzen dizuegu liburutegiaren blogan eta bere Twitter eta Facebooken ere ikus ditzakezula gomendio eta baliabide gehiago.Eta noski, zuen proposamenen zain ere gaude.

2020/05/01

Udal Liburutegiaren gaurko GOMENDIOAK

Gaur, liburutegitik gomendatzen dizikigute fototeka bat, bi zinema jaialdi eta euskal kantategien bilduma bat.

• Argazki zaharrak: Nafarroako Errege Artxiboa Nagusiak 12.000 argazki baino gehiago eskura jarri du, haien artean Ultzama, Lantz, Atez edo Odietako batzuk, Anortzibarko hau bezalakoak. Sarbide librea eta doakoa da.

• Euskal Kantutegi Osoa: Eusko Ikaskuntzak euskal kantutegi osoa guztien esku jarri du, eta bertan euskal kantutegiaren partiturak eta letrak aurki daitezke, baita musika entzuteko aukera dago ere.
• Zinema jaialdiak, berrogeialdian: Zinemaldi askok 2020ko edizioak bertan behera utzi edo atzeratu behar izan dituzte koronabirusaren ondorioz, baina horietako batzuek, KIMU eta WE ARE ONEn kasu, zinema gozatzeko aukera eskaintzen dute.

Eta gogoratzen dizuegu liburutegiaren blogan eta bere Twitter eta Facebooken ere ikus ditzakezula gomendio eta baliabide gehiago.

2020/04/28

Udal Liburutegiaren gaurko GOMENDIOAK

Gaur, liburutegitik arte erakusketa birtuala batzuk bisitatuko gara eta gogoratuko ditugu duela gutxi hildako hiru artista: Ámparo Dávila idazle mexikarra, José Luis Zumeta margolaria eta Uderzo, Asterixen sortzailea

• Amparo Dávilaren ipuin bat: Idazle mexikarra, ipuinaren maisuenetako bat, zendu zen pasa den astean. Hemen irakur daiteke bere ipuinarik ospetsuena, El huésped
• Asterixen zaleentzat: Aldizkari honetan, Asterixekin zerikusia duten jokoak, komikiak eta jarduerak aurkituko dituzte, baita Uderzori, pertsonai ospesu honen marrazkilariari, omenaldi txiki bat ere.

• Artdemia, pandemiari buruzko artea: Gasteizko ARTgia galeriak erakusketa birtuala egiteko deialdia egin zuen berrogeialdi honetan eta bere orrian hogeita hamar euskal artistaren lana ikus daiteke
• Jose Luis Zumeta gogoan: Jose Luis Zumeta hil zen duela egun batzuk. Gerra osteko euskal artistarik nabarmenetako bat izan da. Hemen dago beraren web,margolariaren lana eta biografia ezagutzeko

Eta gogoratzen dizuegu liburutegiaren blogan eta bere Twitter eta Facebooken ere ikus ditzakezula gomendio eta baliabide gehiago.

2020/04/23

Udal Liburutegiaren gaurko GOMENDIOAK

Gaur, liburutegitik hiru proposamen eskaintzen dizkizuegu:  komikiak, pegatina bilduma bat eta emakumeen funtzio sozialari buruzko hainbat dokumentu:

• Nafarroako Artxibo Garaikideak aukera ematen digu trantsizioko politikari, sindikatuei eta mugimendu sozial eta kulturalei buruzko 109 pegatina kontsultatzeko.

• Azken TMEO, deskargatzeko: Komiki aldizkari historiko honek formatu digitalean, doan edo borondadearen truke argitaratu du bere azken alea, birusari buruzkoa.
• Emakumeak eta agiriak: Nafarroako Artxibo Garaikideak emakumeen funtzio sozialarekin zerikusia duten hainbat testu irakurtzeko aukera eskaintzen digu ere bai

Eta gogoratzen dizuegu liburutegiaren blogan eta bere Twitter eta Facebooken ere ikus ditzakezula gomendio eta baliabide gehiago.

2020/04/20

Udal Liburutegiaren gaurko GOMENDIOAK

Gaur, liburutegitik lau proposamen eskaintzen dizkizuegu:  publiko guztientzako opera, txikienekin janaria prestatzeko errezetak, Rubem Fonseca idazle brasildarraren ipuin batzuk, eta hainbat erakundek berrogeialdi honetan ireki dituzten Artxibo digitaletarako estekak:

• Murgildu zaitez fitxategi digitaletan! Vintage kartel bat, XIX. mende bukaerako egunkari anarkista baten artikulua, Argia edo El Ecologista aldizkariaren zenbaki zahar bat... Artxibo askok beren zerbitzu digitalak ireki dituzte eta posible da horietan urpekaritza egitea horrelako bitxi txikien bila.

• Rubem Fonsecaren ipuinak: Brasilgo idazle handia joan den astean hil zen. Orrialde honetan irakur ditzakezue bere ipuin zoragarri batzuk.
• Guztientzako opera: ABAOk operara joateko aukera ematen digu berrogeialdian ere. Helduentzako eta txikienentzako obrak. Eta, gainera, hemendik Vienako, Pekineko eta Berlingo operen beste emanaldi batzuk ikus daitezke streaming bidez.
• Txikiekin janaria prestatzeko errezetak: Txokolatezko triku batzuk egin nahi dituzu? www.guraso.eus orritik kontatzen digute nola prestatu errezeta hauek eta beste batzuk etxeko sukalde txikienekin ongi pasatzeko

Eta gogoratzen dizuegu liburutegiaren blogan eta bere Twitter eta Facebooken ere ikus ditzakezula gomendio eta baliabide gehiago.

2020/04/016

Udal Liburutegiaren gaurko GOMENDIOAK

Gaur, liburutegitik lau proposamen eskaintzen dizkizuegu, zuzeneko musikaz gozatzen jarraitzeko, eskulanak egiteko, ipuin bat irakurtzeko edo adinekoek gimnasia egin dezaten:

• Zuzeneko musika: Eskuak garbitu nahi dituzu zure abesti gogokoenaren erritmoan? Hemen azalduko dizugu nola, baita zuzeneko musikaz gozatzen jarraitzeko hainbat proposamen ere.
• Eskulanak: Berrogeialdi honetako produktu izarretako bat, komuneko papera, eskulan bihurtzea proposatzen dizuegu, beste ideia batzuekin batera.
• Adineko pertsonentzako gimnasia: Helduagoek beren gorputza eta burua forman mantendu ditzakete egunero telebista saio honi esker.
• Berrogeialdirako ipuina: Esteka honetan, Patxi Irurzun gure liburuzainak konfinamenduari buruz idatzitako ipuin bat irakur edo entzun daiteke, "Hau amaitzen denean".

Eta gogoratzen dizuegu liburutegiaren blogan eta bere Twitter eta Facebooken ere ikus ditzakezula gomendio eta baliabide gehiago.

2020/04/014

Udal Liburutegiaren gaurko GOMENDIOAK

Gaur, liburutegitik emango dizuegu hiru esteka etxean irakurtzeko hainbat liburu eta txikienekin ipuin asko entzuteko:

• Euskarazko pelikulak:  Pelikula bat? Eta euskaraz? Hemen dituzue batzuk etxetik ikusteko: “Errementari”, “Obaba”, “Nomadak TX”…
• Oihala irekitzen da! Ikuskizun publikoak, hala nola antzerkia, itxita daude, baina Teatrotecan gozatzen jarraitu ahal dugu
• Booktegi: Webgune honetan aurkituko dituzue doan euskarazko (eta ingeleseko batzuk ere bai) liburuak, erreportajeak, audioak, poesía, gazte literatura…

Eta gogoratzen dizuegu liburutegiaren blogan eta bere Twitter eta Facebooken ere ikus ditzakezula gomendio eta baliabide gehiago.

2020/04/08

Udal Liburutegiaren gaurko GOMENDIOAK

Gaur, liburutegitik emango dizuegu hiru esteka etxean irakurtzeko hainbat liburu eta txikienekin ipuin asko entzuteko:

• Susa argitaletxeak eskaintzen digu  bere liburuak "on line" irakurtzeko eta deskargatzeko aukera. Hemen, adibidez, irakurri dezakezue Amets Arzallusen azken liburua, Miñan

• beat belaunaldiko poeten antologia interesgarri bat.
• -Eta etxeko txikienentzako euskarazko ipuinak entzuteko audiko bankua